ULI
    Uniono por la Linguo Internaciona
     
DIVERSAJI

YOUKALI


Tango-muziko kantita en Ido dal USAana Brian Drake, muziko da Kurt Weill

Category: Kansoni
  Tango-muziko da Kurt Weill (1934) e franca paroli da Roger Fernay (1935). Ca kansono kantesis da multa interpretanti kom Lys Gauty, Dee Dee Bridgewater, Ute Lemper, Teresa Stratas, Patricia O'Callaghan, Nathalie Stutzmann, ... ed en ca Ido versiono da Brian Drake



  Posiblesas selektar la subtexto en Ido per kliko sur l'unesma ikono sube e dextre l'imajo.
Al fino di la mondo
Batelo super sondo
Vagante sur la ondo
Uldie portos ni.
Ni ad insulo glitas,
Ma feo qua habitas
Jentile nin invitas,
'Enirez fantazii....'
Youkali permisas onu dezirar.
Youkali plezurin lasas inspirar.
Youkali es ube on egaras omna sucii,
Es lumo en nokto,
stelo en sturmo
guidanta ni,
Yen Youkali.
Youkali esas l'egardo por la vovi kambiit,
Youkali esas la lando di amori jurit,
L'espero qua lojas en omna kordii vivant,
La salvo quan ni singladie vartas esperant.
Youkali permisas onu dezirar.
Youkali plezurin lasas inspirar.
Ma revo es nur fantazii,
Ne esas irga Youkali.
Ma revo es nur fantazii,
Ne esas irga Youkali.
E vivo omnin tiras.
Tedante omni iras.
Ma anmo ya aspiras
E serchas fantazii.
De tero fatigita
Ni trovos la celita
Sonji enterigita
En ula Youkali.
Youkali permisas onu dezirar.
Youkali plezurin lasas inspirar.
Youkali es ube on egaras omna sucii,
Es lumo en nokto,
stelo en sturmo
guidanta ni,
Yen Youkali.
Youkali esas l'egardo por la vovi kambiit.
Youkali esas la lando di amori jurit,
L'espero qua lojas en omna kordii vivant,
La salvo quan ni singladie vartas esperant.
Youkali permisas onu dezirar.
Youkali plezurin lasas inspirar.
Ma revo es nur fantazii,
Ne esas irga Youkali.
Ya revo es nur fantazii,
Ne esas irga Youkali....

Precedanta pagino KONTAKTO
Sequanta pagino INTERNACIONA RENKONTRO 2016